የሴቶችን በልማት፣ በመልካም አስተዳደርና በዲሞክራሲ ሥርዓት ግንባታ እኩል ተሳትፎና ተጠቃሚነትን ማረጋገጥ፤ የህፃናትን መብትና ደህንነት ማስጠበቅና የፆታ ዕኩልነትን ማስፈን፡፡

በልዩ ወረዳዊ በክልላዊና በሀገራዊ ጉዳዮች ላይ የህብረተሰቡን ሁለንተናዊ ተሳትፎ የሚያነሳሳ፣ የሚያጎለብትና ተጠቃሚ የሚያደርግ የኮሚዩኒኬሽን ስርአትና የህዝብ ግንኙነት ስራዎችን በማጎልበት ተአማኒና ጥራቱን የጠበቀ መረጃ በማድረስ፤ የሚዲያ ሞኒተሪንግና የህዝብ አመለካከት ጥናት ስራዎችን በማከናወን እንዲሁም የመንግስት መረጃ ማዕከልና ዲጂታል ሚዲያዎችን በማልማት በመረጃ የበለጸገ ህብረተሰብ መፍጠር እና የልዩ ወረዳው ገጽታ መገንባት ነው፡፡

ሁሉን አቀፍ የጤና አገልግሎት የጤና ሽፋን ላይ በማተኮር፤ ህብረተሰቡን ከድንገተኛ አደጋ በመጠበቅ፤ ወረዳ ትራንስፎርሜሽን በመተግብር እና የጤና ሥርዓትን ምላሽ ሰጭነት በማረጋገጥ “የህብረተሰቡን የጤና ሁኔታ ማሻሻል” ነው፡፡

ከቅድመ አንደኛ ደረጃ እስከ መካከለኛ ደረጃ የግዴታ ትምህርት ፤ ሁለተኛ ደረጃን የነፃ ትምህርት በሳይንስና ተስማሚ ቴክኖሎጂ የተደገፈና በብቁ አመራር የሚመራ ትምህርት በመስጠት ለሁሉም በፍትሀዊነት ጥራት ያለው ትምህርት በማዳረስ የዜጎችን አዕምሮአዊ፣ አካላዊ፣ ማህበራዊ፣ ስሜታዊ እንዲሁም መልካም እሴቶችን በማጐልበት ለሀገራችን ነባራዊ ሁኔታዎች ምላሽ የሚሰጡና የሃገሪቱን የዕድገት ጉዞ ማሳካት የሚችሉና በአለም አቀፍ ደረጃ ተወዳዳሪ የሆኑ ብቁ ዜጐችን ማፍራት ነው፡

በልዩ ወረዳ በልዩ ልዩ ኢኮኖሚያዊና ማህበራዊ ችግሮች ምክንያት በድህነት፣ተጋላጭናመገለል ውስጥ ለሚገኙ ዜጐች የተለያዩ ድጋፎች እንዲያገኙ ማድረግ የሥራ ስምሪት አገልግሎት እንዲስፋፋ፣ የኢንዱስትሪ ሠላም እንዲሰፍን፡ የሠራተኛውን ጤንነትና ደህንነት እንዲጠበቅ፣ የሥራ አከባቢዎችን እንዲሻሻልና የዜጐችን ማህበራዊ ጥበቃ አገልግሎት የአካል ጉዳተኞች እኩል እድልና ሙሉ ተሳታፊነት እንዲረጋገጥ፣ አረጋውያን ድጋፍና እንክብካቤ እንዲያገኙና ተሳትፎአቸው እንዲጐለብት ማድረግ

የልዩ ወረዳችን ወጣቶች ኢኮኖሚያዊ፣ ማህበራዊና ፖለቲካዊ ተሳትፎና ተጠቃሚነት ለማረጋገጥ ምቹ ሁኔታ በመፍጠርና ህዝባዊ መሰረት ያለውን ስፖርት በማስፋፋት የዜጎችን አካላዊና አእምሮአዊ ብቃት በመገንባት የልዩ ወረዳና የክልልን ብልፅግና ማረጋገጥ

የልዩ ወረዳችን ቋንቋ በማጥናት፣በመጠበቅ፣በማልማት እና በማስተዋወቅ የአገልግሎት አሰጣጥን በማዘመን የወረዳችን ሕዝብ ባህል፣ታሪክ፣ቋንቋ፣ስነ-ጥበብ፣ዕደ-ጥበብ እና ፎክሎር እንዲጠና፣ እንዲጠበቅ፣ በዘላቂነት እንዲለማ እና የአገልግሎት አሰጣጡን ጥራት እና ብቃት ያለው በማድረግ  እንዲሁም የዕደ-ጥበብ ምርቶቻችንን ለገበያ በማስተዋወቅ መልካም ገጽታ ተፈጥሮ ሴክተሩ ለልዩ ወረዳችን የሚያበረክተውን ልማታዊ አስተዋጽኦ ማሳደግ እና  የህብረተሰባችንን ተጠቃሚነት በማረጋገጥ የመሪነት ሚና በመጫወት በመንግስት እና በህዝባችን መካከል ቀልጣፋ እና ዉጤታማ የሆነ የአገልግሎት ፍሰት እንዲኖር በማድረግ በዋና ዋና የልዩ ወረዳዉ፣የከልላዊ እና ሀገራዊ ጉዳዮች ላይ ንቁ ተሳትፎ በማድረግ ብሄራዊ መግባባትን በመፍጠር  የሀገራችንን ሰላም፣ ልማ ት እና ብልፅግናን ማረጋገጥ  ነው፡፡

ለልዩ ወረዳው ማህበራዊና ኢኮኖሚያዊ ልማት ጉልህ አስተዋፅኦ የሚያደርጉ የሳይንስና የኢንፎርሜሽን ቴክኖሎጂ ስራዎችን ለህብረተሰቡ በአግባቡ በማልማት፣ በመተግበርና በማስፋት ወረዳዊ ብሎም ክልላዊ የተወዳዳሪነት አቅምና በቴክኖሎጂ የዳበረ የአሰራር ስርዓት መፍጠር ነዉ፡፡